Аталанта ја забележа и четвртата победа во четири меча во Серија А по рестартот на лигата, откако во Бергамо со 2:0 ги „соборија“ Наполи за да се зацврстат на четвртото место на табелата (кое води во ЛШ) со дури 12 поени пред Рома.
Мечот не започна најдобро за Наполи, кои го загубија голманот Давид Оспина со незгодна повреа на главата, по што тој доби долг медицински третман пред да биде изнесен на носилки.
Марио Пашалиќ, фудбалерот кој неодамна доби постојан договор од Аталанта, во 47. минута по 15-тата асистенција оваа сезона на капитенот Папу Гомез успеа да ги донесе домаќините во водство, за Робин Госенс само девет минути подоцна да го совлада Алекс Мерет за 2:0.
Со победата, Аталанта има 60 поени, четири помалку од третопласираниот Интер и дури 12 пред Рома кои вечерва ги очекуваат Удинезе. Наполи остануваат шести со 45 поени.
> Аталанта „гази“ – нова жртва беше Наполи (.) <
