Скопје, 16 јуни 2020 (МИА) – Од Општина Карпош соопштија дека е започнато поставувањето на последниот асфалтен слој на улицата „Новопланирана“ 4А, во населеното место Криви Дол.
– На терен, работат екипите на ЈП „Улици и патишта“, кои во текот на денешниот ден ќе завршат со реконструкцијата. Улицата е во должина од 370 метри и истата повеќе години беше во руинирана состојба. Оваа сообраќајница претставува пристап за поголем број на домаќинства и со обновата ќе се зголеми безбедноста за жителите од оваа населба, наведоа од Општина Карпош. см/ац/
