Англискиот премиерлигаш Арсенал ја декласира Севилја со 6:0 на „Емирејтс куп“. Тимот на Микел Артета беше надмоќен и фуриозно го одигра првото полувреме во кое постигна дури четири гола.
Бакајо Сака го отвори резултатот од пенал во десеттата минута, а потоа во период од пет минути Габриел Жесус постигна уште два гола. Бакајо Сака во 19.минута зголеми на неверојатни 4:0, а Бразилецот Габриел Жесус во второто полувреме комплетираше хет-трик.
Последниот гол беше дело на Едвард Нкетаја во 89.минута од мечот.