Тјери Анри смета дека Мохамед Салах направил голема грешка со изјавите дека сака да има „одмазда“ против Реал Мадрид и дека тоа требал да го сочува по евентуалната победа над Ливерпул.
Салах неколку пати пред вчерашното финале изјави дека е подготвен за одмазда за поразот во финалето во Киев пред четири години, кога тој беше повреден од Серхио Рамос, а „кралевите“ стигнаа до 3:1 победа.
Анри го испофали Реал Мадри и посебно голманот Тибо Куртоа, и му порача на Салах дека коментарите требал да ги сочува за по мечот.
„Секогаш велам дека не треба да зборуваш пред финале. Победи го Реал Мадри и потоа кажи: ‘Ов беше одмазда’. Кога зборуваш пред финале, потоа мораш да го добиеш. Секогаш сме велеле, треба топката да се смести во мрежата. Мадрид имаат еден удар и даваат гол. Ливерпул имаа многу, но тука беше Тибо Куртоа“, објасни Анри.
> Анри „удри“ по Салах: Прво победи ги Реал, па зборувај за одмазда <