Вакцината против коронавирус на „Астразенека“ предизвикува убедлив имунолошки одговор кај постарите лица, иако податоците за точното ниво на заштита не се познати, соопшти англискиот Институт за јавно здравје, откако Германија препорача вакцината да се дава само на лица под 65 години.
„Според планот за вакцинација, вакцината на „Астразенека“ треба да се дава само на граѓани на возраст од 18 до 64 години“, објави германската комисија за вакцини, еден ден пред одлуката на европскиот регулатор за одобрување на вакцината.
Велика Британија прва ја одобри и веќе ја променува вакцината на „Астразенека“, изработена во соработка со Универзитетот Оксфорд.
Велика Британија вакцинираше седум милиони луѓе со првата доза и планира да ги вакцинира најранливите групи, вклучувајќи ги и луѓето над 70 години, до средината на февруари.
