Карлос Алкараз, момчето кое шпанските медиуми го нарекоа новиот Надал, избори пласман во четврт-финалето на Ју-ес опен. 18-годишниот Шпанец во драматичен меч со 3:2 (7/5, 1/6, 7/5, 2/6, 6/0), го победи Германецот Петер Гојовчик.
Алкараз во наредната рунда ќе игра против Феликс Оже-Алијасим. Канаѓанецот во осмина-финалето го победи Френсис Тијафо.
Карлос Алкараз стана најмладиот четврт-финалист на Ју-ес опен уште од 1963 година.
„Јас сум амбициозно момче, не се откажувам. Нема да се задоволам со ова, мојот карактер не е таков. Секогаш сакам повеќе. Верувам во себе и својот тенис“, рекол Алкараз и дополнил.
„Не читам што пишуваат медиумите за мене. Знам дека многу се зборува за ова, особено во Шпанија. Се обидувам да не мислам на тоа“.
> Алкараз: Јас сум амбициозно момче <
