Околу расправата за промените во Изборниот законик од Алијанса за Албанците истакнуваат дека се посветени за реформирање на изборниот систем и за порепрезентативни институции.
„Сметаме дека сегашниот изборен систем не го почитува универзалниот принцип на еднаквост на глас и не ја претставува праведно волјата на народот изразена на изборите, поради постојаните проблеми со нееднаквоста на гласачите помеѓу изборните единици“, велат од таму.
Додаваат дека во рамките на реформите во изборниот систем, ќе се посветат на остварување на три суштински барања: Поделба на државата на 8 изборни единици во согласност со границите на регионите, секоја со променлив број пратеници во зависност од бројот на гласачи, организирање на изборите со отворени листи, гарантирање и проширување на избирачкото право на иселениците, кои треба да гласаат за списоците што се водат во изборната единица во којашто тие имаат постојано живеалиште во државата, информираат од Алијанса за Албанците.
