Алијанса за Албанците ја повикува ДУИ да го прекине, како што велат од оваа партија наградувањето за нивниот шеф Сашо Мијалков.
Оценуваат дека последователните олеснувања и услуги за Мијалков неодамна кулминираа со тригодишен одмор во струшкиот затвор.
„Само во Северна Македонија можете да крадете од граѓаните, да ја злоупотребувате моќта, да станете милионер и на крај да бидете помилувани, амнестирани и наградени со смешни казни и луксузно сместување“, потенцираат од Алијанса за Албанците.
Според нив, сето ова се случува, благодарение на, како што наведуваат, сегашниот хибриден режим, а особено на ДУИ кои ги слушнавме и во прислушуваните разговори кои ги контролираат судиите и обвинителите кои ги именуваа заедно со Мијалков и Јанкуловска, прецизираат од Алијанса за Албанците.