Еминентниот австралиски весник The Age објави карикатура oд светскиот рекет број еден, Новак Ѓоковиќ, која ги разгневи неговите фанови.
Откако министерот за имиграција Алекс Хок по вторпат му одби виза на тенисерот, по што му се заканува депортација од земјата, илустраторот Мет Голдинг, аферата која е актуелна ширум светот, ја преточи во карикатура.
‘Advantage, Vaxxers’.#AusOpen #NovakDjokovic @theage pic.twitter.com/jsATkvapfj
— MattGolding Cartoons (@GoldingCartoons) January 14, 2022
На неа се прикажани Ѓоковиќ и Хок со контејнер што гори.
Министерот му ја уништува визата на тенисерот, додека од разглас се слуша „Предност, за ваксерите“. Контејнерот, пак, во кој е тенисерот, е означен со парафразирано лого на Австралија опен.
Така, буквата „А“ е составена од два шприца, а „О“ е симболот за коронавирус.
> Австралијците со карикатура која ги разгневи фановите на Ѓоковиќ <