Десетици илјади Австралијци ги напуштија своите домови, а властите денеска евакуираа една болница бидејќи уште пообилни врнежи го погодија источниот брег.
Тринаесет лица загинаа, а последните четири смртни случаи се забележани во градот Лизмор во Нов Јужен Велс, кој беше најтешко погоден од страшните поплави кои однесоа бројни домови и прекинаа далноводи, пренесува Ројтерс.
Невремето се очекува да го погоди Сиднеј во текот на денешниот ден, каде живеат повеќе од пет милиони луѓе, а издадени се предупредувања за можно големо излевање на река на западот од градот.
