Финска денеска потпиша договор за купување на десетици борбени авиони Ф-35 од САД, во време кога во Европа се зголемуваат тензиите меѓу Западот и Русија.
Финска потпиша договор со САД во вредност од 9,4 милијарди долари, за купување на 64 авиони „Локид Мартин Ф-35“ кои се „невидливи“ за радарите, а испораките ќе се реализираат во периодот 2026-2030 година, пренесува Ројтерс.
Финската влада соопшти дека одлуката за купување американски авиони, донесена во декември, е дел од долгорочните планови за зајакнување на одбраната на земјата, а не одговор на сегашната конфронтација меѓу Западот и Русија околу Украина.
„Тоа е дел од нашето долгорочно планирање и нема никаква врска со моменталната ситуација“, рече Мико Хаутала, амбасадор на Финска во Вашингтон, пренесе „Ројтерс“.
