Берово, 23 март 2020 (МИА) – Во Берово во тек се активности за проширување на електричната мрежа во туристичката населба Абланица. Во рамки на активностите, како што информираа надлежните, се инсталираат нови линии, а се отстрануваат и дотраените електрични светилки.
-Во рамките на подобрување на условите за туристите, Општина Берово, продолжува со проширување на мрежата на улично осветлување, во туристичка населба Абланица. За таа цел се инсталираат нови линии, а паралелно со инсталирањето на нови линии, за улично осветлување и докомплетирање на постојните, се вршат и интервенции за отстранување на оштетените сијалични места и се вградуваат нови, информираат надлежните.
Приширувањето на мрежата за јавно осветлување, како што велат од Општина Берово, ќе продолжи и во наредниот периодна, со тоа што во рамки на предвидените локации наскоро ќе биде осветлен и кејот на река Брегалница во Берово.
Проширувањето на мрежата на јавно осветлување, според надлежните, значително ќе ја подобри осветленоста во оваа туристичка населба и ќе придонесе за поголема безбедност. вс/вј/
