Утрински Весник
Свет

Песков: „Дали е објавен часот кога ќе почне војната?“, Путин се шегува за можната инвазија на Украина

Песков: „Дали е објавен часот кога ќе почне војната?“, Путин се шегува за можната инвазија на Украина

Портпаролот на Кремљ Дмитриј Песков изјави дека претседателот Владимир Путин понекогаш дури и се шегува прашувајќи дали e објавено точното време кога ќе започне војната, бидејќи, како што рече, е невозможно да се разбере информациското лудило што се случува.

Песков ова го кажа одговарајќи на новинарско прашање за односот на Путин кон тоа што Западот повремено објавува датуми кога, ќе започне „руската инвазија“ на Украина, пренесуваат агенциите.

Портпаролот на Кремљ рече дека Путин понекогаш дури и се шегува кога ги чита извештаите за датумот на наводниот „напад“ на Русија, бидејќи таквите информации е невозможно да се третираат со разбирање.

Претходно некои медиуми, повикувајќи се на информирани извори, напишаа дека американскиот претседател Џо Бајден на видео конференција со лидерите на западните земји, Европската Унија и НАТО, го навеле 16 февруари како датум на наводната руска „инвазија“ на Украина.

Можете да прочитате

Се шири нов опасен Тикток-предизвик со злоупотреба на парацетамол, Бугарија веќе издаде предупредување

Украина заробила повеќе од 900 руски војници за време на операцијата во Курск

Западни весници со коментари по објавата на Трамп за Газа