Оставката на премиерот Зоран Заев се уште не е официјално испратена до Собранието.
Од Собранието информираат дека премиерот на ја доставил оставката, па затоа на денешната координатива средба кај претседателот на законодавниот дом, Талат Џафери, не станало збор за следните чекори.
„Оставката на Заев се’ уште е ‘Фејсбук оставка’, и врз основа на тоа не можевме да зборуваме повеќе. Во зависност од писмото ќе се знае кои ќе бидат наредни чекори“, потврди на прес-конференција и координаторот на пратеничката група на ВМРО-ДПМНЕ, Никола Мицевски.
На средбата во Собранието се зборувало за тоа колку пратеници станаа градоначалнници и за констатацијата на нивните оставки и влез на нови пратеници на нивното место. Станува збор за четворица пратеници од ВМРО-ДПМНЕ ,еден од СДСМ и еден од БЕСА.
