Утрински Весник
Политички Партии

Николова, СДСМ: Економска криза на површина извади нечесно и измамничко постапување на дел од трговците

Николова, СДСМ: Економска криза на површина извади нечесно и измамничко постапување на дел од трговците

„Владата предводена од СДСМ вчера го усвои новиот Предлог Закон за заштита на потрошувачите. Преку ова законско решение се обезбедува високо ниво на заштита на правата за потрошувачите, но и се гарантираат полесни услови за деловно работење на компаниите. Преку ефективен надзор на пазарот, подобро информирање и едуцирање на потрошувачите за нивните права, зајакнување на независноста и репрезентативноста на здруженијата за заштита на потрошувачите овој закон ќе овозможи подобро остварување на правата на потрошувачите“ рече меѓудругото на денешната прес-конференција пратеничката од СДСМ – Даниела Николова.

Taa рече дека „потрошувачите чии права се повредени преку нечесни трговски практики, измамнички и агресивни трговски практики од страна на трговецот имаат право на надомест на штетата, на сразмерно намалување на цената и раскинување на договорот, додека за трговците се предвидени глоби, санкции и забрана за вршење на дејност“.

„За прекршување на одредбите од овој закон предвидени се глоби од 50 до 500 евра за одговорно лице и трговец поединец, односно од 500 до 10.000 евра за трговците во зависност дали станува збор за мал, среден или голем трговец. Светската економска криза на површина извади многу нечесно и измамничко постапување на одредени трговци на штета на потрошувачите. Со овој закон значително ќе се унапреди заштитата на потрошувачите и ќе се стави крај на неетички, измамнички пракси од страна на трговците“ посочи Николова.

Можете да прочитате

СДСМ: Мицкоски требаше да му каже „Не“ на Апасиев, наместо да биде во анти ЕУ коалицијата

ВМРО-ДПМНЕ: Јазикот не е гарантиран, власта на Ковачевски прифаќа Бугарија да ни ги пишува учебниците

СДСМ: Мицкоски рака под рака со Апасиев дејствува против ЕУ