Скопје, 25 март 2020 (МИА) – Браќата Дејан и Аљоша Недеви започнаа да одржуваат карате тренинзи онлајн за сите каратисти членови на карате клубовите: Работнички, Скопје, Браќа Јорга, Фудокан, Фудо, Ипон, Нишијама и Први Партизан сите од Скопје.
– Тренинзите се одвиваат секој ден преку посебна онлајн платформа се со цел каратистите да останат активни, здрави и во форма за време на пандемијата на коронавирус, соопштија од Македонската традиционална карате федерација.
Сите домашни и меѓународни карате настани се одложени на неодредено време, а онлајн тренизите ќе се одржуваат редовно секој ден се до завршување на светската здравствена криза. зс/
