Вардар 1961 во новата сезона ќе биде посилен за уште двајца нови интернационалци кои доаѓаат од првенството на Франција. Црвено-црните ги засилија позциите лев и десен бек со Диало Бакари и Јоел Куни Моралес.
Бакари Диало (27) доаѓа од тимот на Трембле, каде што ги мина последните две сезони, претходно шест години (2013-2019) настапувал за Понто Комбо.
Десниот бек од Куба, Јоел Куни Моралес (34) доаѓа од тимот на Данкерк, Франција. Претходно две сезони го носел дресот на Иври. Моралес, долги години кариерата ја градел во Португалија, во Порто, Аванка и Мадеира.
Вардар 1961 ќе го почне подготовките за новата сезона на 15 јули во Скопје. По четири дена во Скопје и извршување на потребните медицински прегледи тимот заминува за Златибор каде ќе остане до 29 јули. Потоа се враќа во Скопје и планирано е настап на турнирот во Струга и на Хумел купот во Германија.
Извор/rkvardar.mk
> Кубанец и Французин се нови играчи на Вардар 1961 <
