Ник Кирјос излезе како победник во неверојатниот трилер-меч против Френсис Тиафоу во четврт-финалето на Вашингтон опен, спасувајќи пет меч-топки за да стигне до 6:7(5)/7:6(12)/6:2 победа за петто полуфинале во последните шест турнири за него.
Откако беше блиску до освојувањето на првиот сет, поведувајќи со 5:2 во тај-брејкот, тој успеа да загуби пет поени во низа, за да стартува со негатива. Во вториот сет немаше брејкови, по што следуваше возбудливиот тај-брејк. Во него Американецот имаше пет меч топки при 6:5, 8:7, 10:9, 11:10 и 12:11, но Кирјос успеа да се одбрани за да го добие сетот со 14:12. Во одлучувачкиот сет, финалистот од Вимблдон беше импресивен за победа по 2 часа и 29 минути.
Следен за Кирјос е Швеѓанецот Микаел Имер, 115-рангираниот тенисер на светот.