Гувернерот на Бејрут, Марван Абуд, заплака додека даваше изјава за експлозијата во главниот град на Либан во која според последните информации загинаа најмалку 25 лица, а 2.500 се повредени.
Абуд кажа дека сцената во Бејрут го потсетила на Хирошима и Нагасаки.
Beirut governor is literally crying while talking about the explosions, who likens them to Nagasaki and Hiroshima attacks pic.twitter.com/YPHqd1Sq2d
— Ragıp Soylu (@ragipsoylu) August 4, 2020
Запрашан дали експлозијата била предизвикана од пожар тој одговорил: „Не знаеме. Имаше пожар. Пожарникарите дојдоа да го изгаснат, тогаш експлозијата се случи и тие исчезнаа. Ги бараме нив“.
„Ова е национална катастрофа“, додаде тој.
Причината за експлозијата сè уште не е позната.
Си-ен-ен јави дека експлозијата се почувствувала на 240 километри оддалеченост од Бејрут. Според Европскиот сеизмолошки центар, експлозијата се почувствувала дури во Кипар.
