Бугарија го усвои Националниот план за вакцинација против Ковид-19, пришто вакцината ќе биде бесплатна за граѓаните.
Планот го изработија здравствените служби, а користени се упатствата на СЗО, изјави министерот за здравство, Костадин Ангелов.
Првата фаза на вакцинирање ги вклучува медицинскиот персонал, стоматолозите, фармацевтите и другиот помошен персонал. Бројот на оваа целна група за вакцинација е 243.600 лица, од кои 30.000 се лекари, 10.000 стоматолози.
„Сите бугарски граѓани, во која група и да влегуваат, ќе бидат вакцинирани доброволно и по јасно потпишана согласност за вакцината што ќе ја изберат“, истакна бугарскиот министер, пренесе БГНЕС.
Втората целна група за вакцинација се бугарските наставници, а станува збор за 112.080 лица.
Трета група – вработени вклучени во активности за подрдшка на државата.
Четвртата група се возрасни на возраст над 65 години и лица со хронични болести. Очекуваната бројка е 1.800.000.
Петта целна група се ранливите категориии на граѓани.
Земјата е поделена на 6 области за вакцинација.
