Големата зимска бура што ќе ги погоди САД оваа недела би можела да им го донесе на делови од земјата најстудениот Божиќ во последните четири децении, велат метеоролозите.
Повеќе од 90 милиони луѓе во 37 држави се под предупредување за зимско време, јавува Би-Би-Си.
Дури и Флорида, сончевата држава, се прогнозира дека ќе го доживее најстудениот Божиќ во последните 30 години.
Националната метеоролошка служба објави дека до крајот на оваа недела во некои делови од земјата можни се температури од минус 45 Целзиусови степени.
Гувернерите на Кентаки и Северна Каролина прогласија вонредна состојба.
Снежните услови и замрзнатите коловози се очекува да предизвикаат сообраќаен хаос викендов.
Стотици летови од Денвер и Чикаго се веќе откажани. Чикаго е предупреден да се подготви за обилни снежни врнежи од четврток, кои ќе бидат придружени со налети од 80 км/ч, пренесе Телеграф.рс.
