Зинедин Зидан ќе се врати на тренерската работа следната сезона. Информацијата ја објави „Мундо Депортиво“, повикувајќи се на блиски луѓе на Зидан на кои Французинот им открил дека се враќа.
„Има два клуба кои се опции за Зидан. Колку и да е изненадувачки, едниот е Реал Мадрид. Зидан има одлични односи со претседателот Флорентино Перез. Другиот е ПСЖ, клуб со кој преговараше минатото лето”, пишува „Мундо Депортиво“.
Се шпекулира дека Зидан е поблиску до ПСЖ отколку до Реал, кој го напушти пред две години. Тренерот на ПСЖ, Кристоф Галтие е блиску до отказ по испаѓањето од Лигата на шампионите, а фаворит за негов наследник е Зидан.
„Мундо Депортиво“ наведува дека доаѓањето на Зидан би значело многу промени во тимот, а најголема би била трансферот на Нејмар за сума од околу 70 милиони евра.
