Со цел непосредно да им се помогне и олесни жителите на општина Јегуновце ќе може да ги продолжуваат своите лични документи (лични карти и патни исправи) и во дисперзираната базна станица во Полициската станица Теарце.
СВР Тетово објави дека жителите ќе имаат можност да аплицираат и да се фотографираат во базната станица во Теарце за да не доаѓаат во Тетово и да не трошат парични средства и време за патување од селата во овој регион до градот и назад.
Важно е да се напомене дека ова не се однесува на оние што првпат аплицираат за добивање вакви документи или кои во меѓувреме ги изгубиле или оштетиле. Тие и натаму ќе треба да се обратат и да аплицираат во Отсекот за управни работи во Тетово.
Практиката е во рамките на континуираните напори што ги прави Министерството за внатрешни работи, односно Секторот за внатрешни работи Тетово, да се поедностават и квалитетно да се унапредат сервисните услуги што ги бараат и добиваат граѓаните.
