Во експлозија на огномет во западниот дел на Мичиген загина една жена, а други девет се критични до полесно повредени, соопшти денеска Одделот на шерифот на округот Отава.
Во соопштението не е наведено дали се работи за организиран јавен настан по повод празникот 4 јули, пренесе Ројтерс.
Брзата помош нешто по 23 часот дошла на главната улица во градот Парк, откако добила информација дека експлодирал огномет и повредил неколку лица, се вели во соопштението.
Одделот на шерифот соопшти дека 43-годишна жена починала на местото на настанот, а уште девет лица биле пренесени во болница.
Се додава дека оштетени биле и неколку куќи и возила, а истрагата за експлозијата е во тек.
Градот Парк има околу 18.000 жители и се наоѓа на брегот на езерото Мичиген.
Комисијата за безбедност на потрошувачите извести дека во 2022 година, 10.200 луѓе биле лекувани во собите за итни случаи, а 11 смртни случаи биле поврзани со огномет.
Според овие податоци, околу три четвртини од повредите се случиле во периодот околу 4 јули.
