Жена во Велика Британија почина од повредите со кои се здоби во стампедо на концерт на Академијата Брикстон.
Ребека Икумело (33) починала, додека уште две повредени жени на возраст од 21 и 23 години и понатаму се во критична состојба, соопшти „Метрополитен“ полицијата.
Осум лица се пренесени во болница со повреди по инцидентот во јужен Лондон во четвртокот вечерта. Полицијата извести дека интервенирала по извештаите за „голем број луѓе кои се обидувале насилно да влезат на концертот“, каде што настапувал уметникот Асаке.
Нигерискиот музичар беше принуден да престане по три песни и објави изјава во која вели дека „срцето му е со повредените“. По смртта, Икумело Асаке објави порака на Инстаграм во која вели дека е „уништен од веста“ и дека разговарал со семејството на жртвата. Ме обзема тага и никогаш не можев да замислам дека вакво нешто ќе се случи“, напиша тој.
Полицијата соопшти дека спроведува истрага, која вклучува прегледување на „огромно“ количество снимки на социјалните мрежи, како и на полициските камери.
