Американец избодел со нож жена возач на Убер, по што објавил видео на Фејсбук од жртвата како умира.
Брендон Џејкобс (29) од Њу Орлеанс го извршил нападот на паркинг на автопат.
Шерифот Џозеф Лопинто изјави дека жртвата, 54-годишната Јоланда Дилон од Мареро, била пронајдена избодена во возилото и однесена во болница каде што починала, пренесува „Скај њуз“.
EURWeb Yolanda Dillion was Killed by Brandon Jacobs Who ‘Woke Up and Decided to KILL Someone’ | VIDEO https://t.co/1phHXvwfvW
— theloop411.com (@theloop411) December 12, 2022
Таа го возела Џејкобс до хотел во четвртокот кога била нападната.
Џејкобс е уапсен неколку часа по нападот и обвинет за убиство од втор степен. За време на прес-конференцијата во петокот, шерифот рече дека Џејкобс го признал убиството.
„ Неговото признание во основа беше дека се разбудил вчера наутро и решил дека ќе убие некого, тоа ќе биде неговиот ден“, рече шерифот.
„ Беше на задното седиште. Ја избоде одзади, излезе од возилото и лежерно се оддалечи. Џејкобс ја снимил жртвата и го објавил видеото на Фејсбук, додаде шерифот.
Убиената Јоланда работела и како буџетски аналитичар во полицискиот оддел во Њу Орлеанс.
Истрагата се уште е во тек.
