Украинскиот претседател Володимир Зеленски денеска изјави дека турската воена компанија „Бајкар“ ќе отвори фабрика за производство на беспилотни летала во Украина.
Зеленски, по разговорот со директорот на компанијата Халук Бајрактар во Киев, додаде дека во производството ќе се користат делови од Украина, пренесува „Ројтерс“.
На средбата Зеленски му додели Орден за заслуги на Бајрактар, а од гостинот доби традиционална украинска кошула со мотив на дрон.
Украина интензивно ги користи беспилотните летала „Bayraktar TB2“ за уништување на руски артилериски системи и оклопни возила.
Русија претходно и се пожали на Турција поради продажбата на дронови на Украина.
