И оваа година како по традиција во чест на празникот Св.Троица во Долно Лисиче ќе се одржи главната манифестација која и годинава ќе има хуманитарен карактер, а собраните средства ќе бидат донирани на повредените во пожарот во Кочани.
Домаќини на фестивалските денови ќе бидат Долно Лисиче, Илинден и Аеродром.
Организаторите на манифестацијата ветуваат многу премиери на нови кореографии, Македонска музика до доцните вечерни часеви, ДиЏеј забава за помладите, зурли и тапани и прекрасна храна од Шеф Манка од Муровска Меана.
Покровители на фестивалот се Општина Аеродром, Општина Илинден, Министерството за култура и туризам, Храмот Света Троица од Долно Лисиче и уште дваесетина верни помагатели кои несебично 11 години по ред го помагаат организирањето на фестивалот.
