Лидерката на ЛДП и пратеничка во Собранието Моника Зајкова реагираше на социјалните мрежи откако резултатите од мерењето на воздухот покажуваат дека тој бил неколкукратно повеќе загаден по пожарот во Трубарево.
„Шест дена ќутење – шест дена сите ние и нашите деца вдишувавме тешки метали, за да ни потврдат дека не трујат, како да сами не осеќавме, па некој имаше дилеми!?! Ова не е само скандал, ова е директно загрозување на здравјето на Скопјани! Каде беа надлежните? Кој ќе понесе одговорност? Како ќе се постапува понатаму?
Барам итно:
• Објавување на сите мерења и анализи, без прикривање.
• План за деконтаминација и здравствени проверки за граѓаните.
• Оставки на сите што молчеа додека градот се труеше.
Ова е последно предупредување. Граѓаните имаат право на чист воздух и вистина – не на тишина“ пишува Зајкова.
