Во координирана акција меѓу македонската и косовската полиција, како дел од заедничкиот истражен тим помеѓу Основното јавно обвинителство Скопје и Специјалното јавно обвинителство на Косово, на косовска територија уапсен 34 годишен Ресенчанец.
Лицето Ш.Д. (34) од Ресен, кое било вработено во Одделот за сузбивање на организиран и сериозен криминал при МВР, било приведено во текот на вчерашниот ден под сомнение за сторено кривично дело – „фалсификување пари“.
При извршени претреси на надлежните служби на три локации биле пронајдени и одземени две машини за изработка на фалсификувани монети, шест метални печати во апоени од две евра, шест вреќи со полупроизвод на монети и една вреќа со готов производ на фалсификувани монети.
Одземенети предмети ќе бидат предадени на понатамошно вештачење.
