Центарот за управување со кризи информира дека од УХМР известуваат дека нестабилна воздушна маса во моментот е задржана на подрчјето на Стајковци-Арачиново и Скопска Црна Гора и во наредниот период ќе се задржи.
„Во моментот невремето е проследено со поголема количина на врнежи град и силен ветер. Бидејќи воздушната маса ќе се задржи на тоа подрчје можно е да предизвика и поплава
Апелираме до граѓаните во овие подрачја:
– Да останат во своите домови;
– Да избегнуваат движење низ поплавени или потенцијално небезбедни зони;
– Да ги заобиколуваат поплавените улици и подвозници;
– Да ги отстранат предметите од дворовите кои би можеле да ги однесе ветерот или водата;
– Да ги следат препораките од надлежните институции.
Центарот за управување со кризи е во координација со сите релевантни служби и ја следи состојбата во ризичните подрачја.
Во случај на потреба или опасност, јавете се на 112“ велат од ЦУК.
