Градоначалникот на рускиот пристанишен град Новоросијск прогласи вонредна состојба денеска откако во украински напад со беспилотно летало оштетени се станбени згради и повредени најмалку пет лица, меѓу кои и две деца. Градоначалникот Андреј Кравченко ја објави одлуката на својот официјален профил на Телеграм, на кој е прикажано видео од него како врши увид во штетите на станбените згради и им дава наредби на службените лица.
Кравченко рече дека една од повредените лица, жена, е во тешка состојба во болница.
Засега нема коментар од Украина, чии воздухопловни сили соопштија дека Русија ја нападнала Украина преку ноќ со 183 беспилотни летала и две балистички ракети.
Четириесет и седум цивили се повредени во напад на руски беспилотни летала врз Харков на североистокот на Украина, соопшти синоќа локалната полиција.
