Управата за извршување санкции соопшти дека денеска била спроведена вонредна контрола во Казнено-поправната установа Затвор Струмица. Контролата ја извршиле службени лица од Управата и интервентен вод, при што биле извршени детални претреси во сите спални соби.
„При претресот се пронајдени три мобилни телефони, од кои два биле без познат сопственик, додека за еден е утврдено кој го поседувал“, информираат од Управата.
Одземените телефони се запленети, а против осуденото лице кое поседувало еден од уредите ќе биде покрената дисциплинска постапка.
Оваа контрола е дел од засилените активности за спречување на нелегално внесување и користење на забранети предмети во затворите низ државата.
