Воени аналитичари го коментираат фактот дека претставникот на рускиот Совет за безбедност Алексеј Павлов изјавил дека Москва треба да се фокусира на „десотонизација“ на Украина.
Американскиот безбедносен и одбранбен тинк-тенк, Институтот за проучување на војната (ISW), утринава објави дека руските власти со такви изјави се обидуваат да ја прилагодат својата воена реторика и на христијаните и на муслиманите.
Инаку, изјавите за „десотонизација“ на Украина дојдоа по неколку извештаи за судири меѓу муслимански и немуслимански војници во редовите на руската армија, при што имаше и жестоки конфронтации.
Институтот објави дека коментарите на Павлов „кој повикува на војна на религиозна, но не експлицитна христијанска основа“ најверојатно има за цел „да ги надмине верските поделби и да ги постави условите за континуирано регрутирање на етничките и верските малцинства да се борат во Украина“.
Павлов рече дека целта на војната треба да биде „целосна десотонизација“ и дека украинското општество е дефинирано од „фанатици“ кои сакаат да ги напуштат вредностите на руските православни верници, муслиманите и припадниците на еврејската вера.
