Новоизбраниот претседател Доналд Трамп вчера ја обвини Панама дека наплатува прекумерни такси за користење на Панамскиот канал и рече дека доколку Панама не управува со каналот на прифатлив начин, може да побара од американскиот сојузник да го врати.
Во вечерниот пост на платформата Truth Social, Трамп исто така предупреди дека нема да дозволи каналот да падне во „лоши раце“. Се чини дека тој мислеше на потенцијалното кинеско влијание на морскиот пат бидејќи напиша дека Панамскиот канал не треба да биде управуван од Кина.
Објавата на Трамп на социјалните мрежи претставува реткост за американски лидер да каже дека може да принуди суверена земја да предаде територија.
Најавата на Трамп, исто така, ја нагласува очекуваната промена во американската дипломатија за време на неговиот мандат.
Трамп не ги штедеше заканите кон сојузниците и користеше воинствена реторика кога комуницираше со партнерите, забележуваат медиумите.
Соединетите држави во голема мера го изградија каналот и владееја со територијата околу него со децении. Но, во 1999 година Американската влада отстапи целосна контрола врз Панамскиот канал по период на заедничка администрација.
-Таксите што ги наплаќа Панама се смешни особено ако се земе предвид извонредната великодушност што САД ја покажаа кон Панама, напиша Трамп во својата објава. „Тоа не беше дадено во корист на другите, туку едноставно како знак на соработка меѓу нас и Панама. Доколку не се почитуваат принципите, и моралните и правните, на овој великодушен гест, ќе бараме враќање на Панамскиот канал, во целост и без прашање“.
Панамската амбасада во Вашингтон не одговори веднаш на барањето за коментар.
