Утрински Весник
Свет

Во очекување на ураганот “Борис” – Средна Европа се подготвува за најголемите поплави во последните децении

20240913105252.jpeg

Средна Европа се подготвува за најголемите поплави во последните децении поради минување на ураганот „Борис“ што се очекува претстојниот викенд. Според метеоролозите во Чешка и во Полска, во делови на нивните земји би можеле да наврнат до 400 литри на дожд на квадратен метар во наредните четири дена, а прогнозите за Словачка и за Австрија се околу 200 литри на квадратен метар.

Културните манифестации во сите четири земји се откажани поради најавата на „Борис“. На сила се метеоаларми за јужниот дел на Полска, особено за градовите на реката Одра, како Врослав и Ополе. Бариери против поплави и вреќи со песок се поставуваат во Чешка, каде се очекува дека невремето ќе биде проследено со ветрови до 100 километри на час.

Бројни манифестации за викендот се откажани, меѓу кои фестивалот на винот во Знојмо и римскиот фестивал во Карнунтум во Австрија.

Можете да прочитате

Би-Би-Си: Руско-украинските преговори може да не се одржат денеска

Финска сака да го зголеми бројот на резервисти за 125.000 со зголемување на старосната граница на 65 години

Мировен самит без клучните лидери: Трамп и Путин нема да се сретнат во Истанбул