Денеска во Кочани ќе се одржи осмиот по ред „Марш за ангелите“ протест во чест на жртвите од трагедијата во дискотеката „Пулс“.
Граѓаните ќе се соберат во 16:05 часот во Паркот на револуцијата, а маршот ќе се движи по утврдена рута: од паркот, преку трговскиот центар, Општинската зграда и Полицијата, со завршна точка пред Судот и Јавното обвинителство.
Семејствата и пријателите на жртвите повторно ќе побараат целосна одговорност за трагичниот пожар во кој настрадаа 62 лица, а речиси 200 беа повредени, а многумина од нив се уште се елкуваат и имаат трајни последици.
Организаторите апелираат до сите што ја поддржуваат борбата за одговорност и правда да им се придружат. Посебен повик упатуваат до семејствата на повредените – да маршираат заедно, во знак на солидарност и поддршка.
Инаку, државниот јавен обвинител Љупчо Коцевски изјави дека истрагата е завршена, дека се собрани доказите и дека наскоро ќе ОЈО ќе излезе со конкретно обвинение
