Полицијата во Италија уапси група од 14 криминалци, која наводно е поврзана со мафијашкото семејство Сантапаола-Ерколано, а која дејствувала во сицилијанските градови Ачи Катени и Ачиреале.
Полицијата ги уапси осомничените во провинциите Катанија и Реџо Калабрија, пренесе Анса.
За десетмина од осомничените, вклучувајќи и една жена, одредена е казна затвор, додека за двајца е одреден куќен притвор, а за уште двајца задолжително пријавување на живеалиште.
Осомничените се товарат за вооружено групирање со цел трговија со наркотици, незаконско држење оружје и муниција, тешки повреди и кражба.
Во истрагата било откриено работењето на оперативна група помеѓу градовите Ачи Катени и Ачиреале, поврзана со мафијашкото семејство Сантапаола-Ерколано од Коза ностра во Катанија, која управувала со трговија со кокаин, крек, марихуана и сканк.
Полициската операција сè уште е во тек.
