Италијанската полиција утринава уапси 27 лица и заплени 36 килограми чист кокаин во акција во Калјари, Нуоро и во Сасари на Сардинија.
Во акцијата учествувале повеќе од 200 припадници на полицијата, пренесува „Анса“.
Истрагата траеше две години и доведе до разбивање две криминални групи, кои ја контролираа трговијата со кокаин во провинцијата Сардинија.
Во акцијата се запленети 36 килограми чист кокаин, а пронајдени се и докази за продажба на повеќе од 200 килограми од таа дрога, вредна повеќе од 25 милиони евра.
