Две млади жени се уапсени во Иран по објавувањето на видео на кое тие танцуваат за да го прослават доаѓањето на Новруз (персиската Нова година) која почнува на 20 март, објавија денеска локалните медиуми.
Тие се уапсени поради „прекршување на општествените норми“. Исламскиот закон во Иран им забранува на мажите да танцуваат со жени или само жени да танцуваат на јавно место.
Жените маскирани во Хаџи Фируз, фолклорен лик облечен во црвено, чии танци и песни го најавуваат доаѓањето на Новруз, танцуваа во близина на плоштадот Тајриш, популарно место во северен Техеран
Изминатиот период беа објавени голем број видеа на кои жени танцуваат на јавни места, особено во метрото. Видеата зачестија по протестите организирани поради смртта на 22-годишната Махса Амини во 2022 година во притвор, откако беше уапсена од страна на моралната полиција за непочитување на строгиот кодекс на облекување на жените во земјата.
