Фудбалскиот клуб Црвена Звезда одлучи да го повлече дресот со број 11 на свеченоста по повод 60-годишнината од доаѓањето во клубот на еден од најголемите играчи на сите времиња, Драган Џајиќ.
Џајиќ е прогласен за трета ѕвезда на Црвена звезда. Тој беше член на најтрофејната генерација во историјата на Звезда, која за 12 години освои пет титули, четири купа и Купот Митропа.
Подоцна беше истакнат функционер, а беше и технички директор кога Црвена звезда стана европски и светски шампион во 1991 година. Подоцна беше претседател од 1998 до 2004 година и од 2012 до 2014 година, кога Црвена звезда по пауза од седум години ја врати домашната титула на „Маракана“.
Ова е трет број што Црвена звезда го повлече од употреба.
Бројот 12 е повлечен во чест на навивачите, а бројот 26 поради прерано починатиот фудбалер Горан Гогиќ.
Дресот со број 11 кој сега го носи Осман Букари, ќе биде пензиониран по завршувањето на сезоната.
За Звезда одигра вкупно 389 натпревари и постигна 155 голови.
