Соопштение за јавност на ВМРО-ДПМНЕ:
СДС треба да молчи кога станува збор за учебници и да се извини, 7 години ги оставија учениците без учебници.
Срамно е СДС да говори за некаков хаос во образованието, кога тие не успеаја во рок од 7 години, барем еднаш на први септември да донесат еден учебник за учениците.
Не само што не успеаја да направат книги, туку и постоечките не успеаја да ги сочуваат. Да не зборуваме и за мизерното однесување кон наставниците и професорите, кои беа оставени на маргините.
Сега има учебници за секој ученик, а се зголемени платите за наставниците и професорите. Се вложува во секој дел од образованието, со што е зголемен и Буџетот на ресорното министерство.
ВМРО-ДПМНЕ работи во интерес на граѓаните.
