„Ковачевски едно зборува кога станува збор за жените во Македонија, а друго применува. Колку Ковачевски се грижи и бори за жените и женските права македонската јавност можеше да се увери во Собрание кога на јавна седница навреди пратеничка“, велат од ВМРО-ДПМНЕ.
„Да биде уште полошо, за Ковачевски таа навреда е нормална и се уште нема доблест јавно да се извини да си ја признае грешката, туку дрско користеше празник за да каже дека бил погрешно разбран“, рекоа оттаму.
Според нив, тој, наместо да се извини, глумел дека е жртва и го злоупотребил своето семејство.
„Додека лаже на јавни собири, тој се уште се нема извинето за покажаниот шовинизам пред целата јавност“, посочија од опозициската партија.
