Дали директорката на детската градинка „Цветови“ и министерката Тренчевска ги виделе фотографиите од брутално истепаното бебенце? Или политички се принудени да глумат како да не виделе ништо?, прашуваат од опозициската ВМРО-ДПМНЕ.
ПОтенцираат дека одговорност за брутално истепаното бебе мора да има. Одговорноста, според нив е кај Тренчевска која му ги одзема ингеренциите на градоначалникот на Гевгелија и и го продолжи мандатот на директорката Стефановска на која ова не и е прв случај на насилство.
„Ги повикуваме Тренчевска и Стефановска уште еднаш да ги видат фотографиите пред следен пат да пуштаат соопштенија дека се работи за детска игра. За овој случај мора да има одговорност и оставки, а не комисии од типот на комисиите на Филипче за Јилдиз, за Ковид трагедиите кои немаа никаква разрешница“, се нагласува во реакцијата на ВМРО-ДПМНЕ.
„Немањето на одговорност, и покрај тоа што признаваат дека се случил таков инцидент предизвикува во иднина да продолжат таквите инциденти и немили настани“, додаваат од ВМРО-ДПМНЕ.
