Денес, 16 септември 2025 година, Центарот за граѓански комуникации го објави редовното годишно рангирање на институциите според Индексот на активна транспарентност, односно според проактивното објавување информации од јавен карактер, во кое се вклучени 102 институции, односно Владата и сите министерства и општини. Индексот ги покажува следниве клучни аспекти:
- Просечната активна транспарентност на министерствата, на Владата и на општините за 2025 година изнесува 80 % (од максимално можни 100 %), исто колку што изнесуваше и минатата година.
- Активната транспарентност на министерствата и Владата е намалена во однос на лани и изнесува 84 % (лани 86 %).
- Општините го задржаа истото ниво на активна транспарентност како и лани, односно 79 %.
- Дури 44 % од опфатените институции ја влошиле својата активна транспарентност (лани се влошиле 19 % од институциите).
- Министерството за одбрана, петта година по ред ги задржа максималните 100 % активна транспарентност, а резултатот од 100 % годинава го освои и новоформираното Министерство за дигитална трансформација.
- Кај општините, за разлика од лани кога дури пет општини го делеа првото место со 100 % активна транспарентност, годинава на ова место се задржаа само две – Кавадарци и Кичево.
- Меѓу регионите, трета година по ред на првото место се наоѓа Источниот Регион (со иста активна транспарентност како и лани од 88 %).
- На последно место, со намалена активна транспарентност во однос на лани се наоѓа Полошкиот Регион (со 71 % активна транспарентност, лани 73 %).
- Најмалку информации, и министерствата и општините објавуваат за финансиите (министерствата 58 %, а општините 59 % од можни 100 %).
- Огромно уназадување има кај одговорите по барањата за слободен пристап до информациите од јавен карактер, што им беа испратени на сите институции во ист ден и со исто прашање. Општините одговорија во просек за 21 ден (лани за 15 дена), а министерствата одговорија за 23 дена (лани за 14 дена). Инаку, крајниот законски рок е 20 дена.
- Само 54 % од институциите одговорија во рамките на максималниот законскиот рок од 20 дена (лани тоа го сторија 71 % од институциите).
Активната транспарентност е претставена и на специјалната веб-страница: https://www.aktivnatransparentnost.mk/ со преглед на остварувањата на секоја институција од 2016 годинава наваму.
За повеќе информации, ве молиме, контактирајте го Центарот за граѓански комуникации на (02) 3213-513 или на center@ccc.org.mk.
Вкупно рангирање според Индексот на активна транспарентност 2025
| Ранг | Институција | Резултат | Ранг | Институција | Резултат | |
| МНОГУ ДОБРА | 52 | Охрид | 84,3 % | |||
| 1 | Кавадарци | 100,0 % | 52 | Свети Николе | 84,3 % | |
| 1 | Кичево | 100,0 % | 55 | МКТ | 83,3 % | |
| 1 | МДТ | 100,0 % | 56 | Пехчево | 82,9 % | |
| 1 | Министерство за одбрана | 100,0 % | 57 | Ново Село | 82,6 % | |
| 5 | Гази Баба | 98,6 % | 57 | Чешиново-Облешево | 82,6 % | |
| 5 | Штип | 98,6 % | 59 | Дебар | 81,4 % | |
| 7 | Берово | 97,1 % | 59 | Тетово | 81,4 % | |
| 7 | Демир Хисар | 97,1 % | 61 | Карбинци | 81,2 % | |
| 7 | Илинден | 97,1 % | 61 | Чашка | 81,2 % | |
| 7 | Карпош | 97,1 % | 63 | Виница | 80,0 % | |
| 7 | Кисела Вода | 97,1 % | ДОБРА | |||
| 7 | Кочани | 97,1 % | 64 | Вевчани | 79,7 % | |
| 7 | Куманово | 97,1 % | 65 | Новаци | 78,9 % | |
| 7 | Центар | 97,1 % | 66 | Дојран | 78,6 % | |
| 15 | Влада на РСМ | 95,7 % | 66 | Македонски Брод | 78,6 % | |
| 15 | МСП | 95,7 % | 68 | Јегуновце | 78,3 % | |
| 17 | Крива Паланка | 94,3 % | 68 | Теарце | 78,3 % | |
| 18 | Брвеница | 94,2 % | 70 | Кратово | 77,1 % | |
| 18 | Градско | 94,2 % | 71 | Неготино | 76,1 % | |
| 20 | Гевгелија | 93,1 % | 72 | Могила | 75,4 % | |
| 21 | Битола | 92,9 % | 73 | Кривогаштани | 73,9 % | |
| 21 | Прилеп | 92,9 % | 73 | МЖСПП | 73,9 % | |
| 23 | Министерство за финансии | 92,3 % | 73 | Петровец | 73,9 % | |
| 24 | Бутел | 91,3 % | 76 | Липково | 72,5 % | |
| 24 | Василево | 91,3 % | 77 | Град Скопје | 72,1 % | |
| 24 | Зрновци | 91,3 % | 78 | Министерство за транспорт | 71,7 % | |
| 24 | МЗШВ | 91,3 % | 79 | Арачиново | 69,6 % | |
| 24 | Центар Жупа | 91,3 % | 79 | Зелениково | 69,6 % | |
| 29 | Босилово | 89,9 % | 79 | МОЗ | 69,6 % | |
| 29 | Дебрца | 89,9 % | 79 | Пласница | 69,6 % | |
| 29 | Ѓорче Петров | 89,9 % | 83 | Желино | 68,1 % | |
| 32 | Делчево | 88,7 % | 83 | Чаир | 68,1 % | |
| 33 | Богданци | 88,6 % | 85 | Ресен | 65,7 % | |
| 33 | Валандово | 88,6 % | 86 | МЕРМС | 65,2 % | |
| 33 | Струмица | 88,6 % | 87 | Министерство за спорт | 63,0 % | |
| 36 | Крушево | 87,1 % | 88 | Струга | 61,4 % | |
| 36 | Македонска Каменица | 87,1 % | 89 | Сарај | 60,9 % | |
| 36 | Радовиш | 87,1 % | ПРОСЕЧНА | |||
| 39 | МЕП | 87,0 % | 90 | Долнени | 59,4 % | |
| 39 | Министерство за правда | 87,0 % | 91 | Гостивар | 58,6 % | |
| 41 | Маврово и Ростуше | 85,9 % | 92 | Ранковце | 58,0 % | |
| 42 | Пробиштип | 85,7 % | 93 | Шуто Оризари | 56,3 % | |
| 43 | Аеродром | 85,5 % | 94 | Чучер-Сандево | 53,6 % | |
| 43 | Конче | 85,5 % | 95 | Росоман | 52,1 % | |
| 45 | Министерство за здравство | 85,4 % | 96 | Демир Капија | 50,0 % | |
| 46 | МВР | 84,8 % | 97 | Боговиње | 49,3 % | |
| 46 | МЕТ | 84,8 % | 98 | Студеничани | 46,4 % | |
| 46 | МЈА | 84,8 % | 99 | Врапчиште | 43,7 % | |
| 46 | МЛС | 84,8 % | 100 | Сопиште | 42,0 % | |
| 46 | МНР | 84,8 % | 101 | Старо Нагоричане | 40,6 % | |
| 46 | МОН | 84,8 % | СЛАБА | |||
| 52 | Велес | 84,3 % | 102 | Лозово | 33,3 % | |
