Македонскиот фудбалски репрезентативец Висар Муслиу потпиша двегодишен договор со германскиот второлигаш Падерборн. Во него постои опција и за трета година, доколку двете страни се задоволни од претходната соработка.
Муслиу го напушти Инголштад со кој мораше минатата сезона да игра во третолигашки ранг во Германија и сега повторно ќе биде дел од Втората Бундеслига.
Падерборн минатата сезона ја заврши на шестото место во второлигашката конкуренција во Германија.
