Територијата на нашата Република Македонија и викендов ќе се наоѓа под влијание на ладната воздушна маса од североисток, односно од Русија и таа повеќе ќе ја чувствуваме во ноќните и во утринските часови кога ќе биде значително ладно со температури кои ќе се спуштаат во интервалот од -3 до 5 степени, тоа значи дека на повеќе места ќе има појава на слаб мраз и на слана. Максималните дневни температури ќе бидат во мал пораст и денес ќе се искачуваат во интервалот од 7 до 15 степени, а утре (недела 5 октомври) тие ќе се искачуваат во интервалот од 11 до 18 степени.
Во Скопје и околината наутро температурата ќе се спушта и под 5 степени а преку ден таа ќе се искачува во интервалот помеѓу 13 и 17 степени.
Времето ќе биде променливо облачно со сончеви периоди, а повеќе сонце ќе имаме утре (недела 5 октомври).
Ќе дува слаб до умерен ветер денес претежно од северен правец а утре (недела 5 октомври) ветерот ќе биде од јужен правец.
Поради ладното време особено наутро, ве советувам со себе да си понесете потопла облека и тоа како ќе ни биде потребна особено како што веќе напоменав во ноќните и во утринските часови.
