Метео анализа на Славчо Попоски:
Овој викенд како што и најавивме продолжуваат пролетните температури на воздухот. Тие ќе се искачуваат во интервалот од 12 до 19 степени.
Наутро пак температурите речиси насека остануваат над нулата, што значи не постојат услови за појава на утрински мразеви.
Времето ќе биде променливо облачно со сончеви периоди, иако утре локално ќе биде и позначително облачно. Ќе има услови и за сосема слаби локални врнежи од дожд (ништо сериозно не се очекува).
Што се однесува до ветерот, утре тој ќе биде со слаб до умерен интензитет и од јужен правец, додека во недела ќе засилува ветерот од северен правец, особено Долж Повардарието.
Во Скопје и околината ќе имаме слично време со температури кој ќе се искачуваат во интервалот помеѓу 16 и 17 степени.
