Директорот на затворот „Идризово“, Зоран Јовановски, бара од институциите да се размрдаат за условите во установата да бидат подобри како за вработените, така и за затворениците. Смета дека можно е да дојде до колапс на затворот ако се продолжи вака.
„Фалат кревети, душеци, прекривки. Јас кога дојдов имавме голем број на осудени лица кои спиеја во ходници. Таа бројка ја доведовме до минимум. Сепак, немаме простор каде да ги сместиме, па мораме во ходници. До толку е лошо“, вели Јовановски во интервју за „Макфакс“.
View this post on Instagram
Прашан дали добиваат храна, вели: „Да, добиваат. И тој фамозен тендер кој го кажуваа во јавноста со милионски суми, кога ќе се подели по бројот на денови и затвореници, излегува околу 200 денари за доручек, ручек и вечера за затвореник“, посочува директорот.
Иако нема слободен душек и се спие по ходници, Јовановски не слушнал дека имало тепачка за соба.
„Тоа е, таа е вистината, јас не можам да ја сокријам вистината“, додава тој.
