Градовите во источна Кина денеска ги прекинаа фериботите, додека во Јапонија авионските летови беа откажани, а училиштата беа затворени поради тајфунот Хинамнор, најсилната глобална бура оваа година, бидејќи невремето веќе ги погоди Тајван и Кореја со обилни врнежи од дожд, пренесе „АП“.
Во Шангај, фериботите беа прекинати, а повеќе од 50.000 полицајци беа распоредени за да помогнат во спасувањето и да го пренасочат сообраќајот во безбедно подрачје.
Според прогнозата, Хинамнор постепено се движи кон север кон Источното Кинеско Море со максимална брзина од 175 километри на час.
Footage from #typhoon #hinnamnor as it side swiped Miyakojima, shot over the last 2 days #japan Head’s up friends in S Korea, you’re next! pic.twitter.com/CoDzbqx0O1
— James Reynolds (@EarthUncutTV) September 4, 2022
Наредени се евакуации и суспензија на летовите на јужниот јапонски остров Окинава. Според прогнозата, можно е тајфунот да предизвика поплави на Корејскиот полуостров.
Onshore wind is blowing hard #typhoon #hinnamnor on Miyakojima #japan pic.twitter.com/DMVCooqj5l
— James Reynolds (@EarthUncutTV) September 3, 2022
Кинескиот национален метеоролошки центар издаде жолто предупредување за тајфун за североисточната провинција Жеџијанг, Шангај и Тајван.
Во Јапонија, тајфунот ја погоди Окинава и околните острови со силни ветришта и дожд, заканувајќи се со поплави и суспендирајќи повеќе од 100 летови што ги поврзуваат островите со главниот јужен остров Кјушу.
